پاکستان کے سابق وزیراعظم عمران خان کو ملی ضمانت(اعتماد)

ذرائع:

اسلام آباد:سپریم کورٹ پاکستان نے سابق وزیراعظم عمران خان اور انکی جماعت پی ٹی آئی کے سینئر رہنما اور سابق وزیر خارجہ شاہ محمود قریشی کی سائفر کے مقدمے میں ضمانتیں منظور کر لی ہیں۔ جمعہ کے روز سماعت کے اختتام پر عدالت نے دونوں ملزمان کو دس لاکھ روپئے  کے الگ الگ ضمانتی مچلکے جمع کروانے کا حکم دیا ہے۔ عمران خان کے وکیل سلمان صفدر نے کہا کہ یہ فوری طور پر واضح نہیں ہے کہ آیاان کے موکل کو جیل سے رہائی مل سکے گی کیونکہ ان کے خلاف دیگر مقدمات



میں گرفتاری کے متعدد وارنٹ جاری کر رکھے گئے ہیں۔ عمران خان مختلف مقدمات میں سزائیں سنائے جانے کے بعد اگست کے مہینے سے جیل میں قید ہیں۔

تاہم جمعہ کے روز عمران خان کو جس مقدمے میں ضمانت پر رہا کرنے کا حکم دیا گیا اسے سائفر کا نام دیا گیا ہے۔ یہ مقدمہ عمران خان کے خلاف بطور وزیر اعظم  ریاستی  راز افشاء کرنے کے الزامات کے تحت قائم کیا گیا۔ ان الزامات کے مطابق عمران خان نے گزشتہ سال واشنگٹن میں پاکستان کے سفیر کی طرف سے اسلام آباد بھیجی گئی ایک خفیہ کیبل کو عام کر دیا تھا۔