مشرقی مدنی پور اور جنوبی 24پرگنہ کے کئی اضلاع میں سیلاب

کلکتہ26مئی (یواین آئی)یاس طوفان کی وجہ سے مغربی بنگا ل کے مشرقی مدنی پور اور جنوبی 24پرگنہ ضلع میں واقع ندیوں میں طغیانی کی وجہ سے کئی علاقوں میں سیلاب آگیا ہے اس کی و جہ سے بڑے پیمانے فصل کے تباہ ہونے کا اندیشہ ہے مشرقی مدنی پورکے دیگھا، مندران منی اور جنوبی 24پرگنہ کے ساحلی علاقہ فریزر گنج اور گوسابا کے ساحلی علاقوں میںسمندری طوفان کی وجے سے بڑے پیمانے پر تباہی آئی ہے ۔افسران نے بتایا کہ دونوں ساحلی اضلاع میں متعدد مقامات پر پشتہ ٹوٹنے کی وجہ سے کئے قصبے سیلاب کی زد میں آگئے ہیں ۔یاس کی وجہ سے برییادھاری ، ہگلی اور روپنارائن سمیت متعدد ندیوں



میں آبی سطح میں اضافہ ہوا ہے۔فوج ، قومی ڈیزاسٹر رسپانس فورسیس (این ڈی آر ایف) ، اسٹیٹ ڈیزاسٹر ریسپانس فورس (این ڈی آر ایف) اور ریاستی پولیس اور سولدفاعی رضاکار چوبیس گھنٹے کام کر رہے ہیں۔ریاستی انتظامیہ کی مدد کے لئے فوج نے 17 کالم تعینات کیے ہیں ، جن میں سے ایک نے 32 پھنسے ہوئے شہریوں کو بچایا

محکمہ موسمیات کے مطابق مغربی اور مشرقی مدنی پور میں مزید بارش کا امکان ہے ۔اس کے علاوہ جھاڑگرم ، بانکوڑہ ، جنوبی 24 پرگنہ کے اضلاع میں موسلا دھار بارش ہوسکتی ہے ۔ پرولیا ، ندیا ، مرشد آباد ، مشرقی بردوان ، ہوڑا ، ہگلی ، کلکتہ ضلع میں بھی تیز بارش ہوسکتی ہے۔