لندن سے آئے پانچ مسافر کورونا متاثر پائے گئے

نئی دہلی، 22 دسمبر (یو این آئی) لندن سے پیر کی رات دہلی آنے والے پانچ مسافر کورونا سے متاثر پائے گئے ہیں ذرائع نے بتایا کہ یہ مسافر گذشتہ رات ایئرانڈیا کی پرواز نمبر اے آئی 162 سے دہلی آئے تھے لازمی آر ٹی پی سی آر تفتیش میں ان کی رپورٹ پوزیٹیو پائی گئی ہے اس پرواز میں 250 سے زیادہ مسافر تھے برطانیہ میں کووِڈ۔19 کے نئے اسٹرین کا وائرس پھیلنے کے بعد حکومت نے وہاں سے آنے والی فلائٹس کے ملک میں لینڈ کرنے پر 31 دسمبر تک کے لیے غیرمستقل پابندی عائد کر



دی ہے جو آج رات 11 بج کر 59 منٹ کے بعد نافذ ہوگی۔ ڈائریکٹوریٹ جنرل آف سول ایوی ایشن نے پیر کے روز اس سلسلے میں سرکلر جاری کیا تھا۔

ایئرلائنس کو اپنی پروازوں کو ہب تک لے جانے کے لیے آج رات 11 بج کر 59 منٹ تک کا وقت دیا گیا تھا۔ ان پروازوں میں آنے والے تمام مسافروں کے لیے ملک آتے ہی ایئرپورٹ پر آرٹی۔پی سی آر ٹیسٹ لازم کر دیا گیا تھا۔ ایئر انڈیا کی پیر کے روز رات آئی پرواز میں پانچ مسافر کووِڈ۔19 سے متاثر پائے گئے جبکہ باقی کی رپورٹ نیگیٹیو آئی ہے۔