”خاندانی نظام“ مجرمانہ سازش کے ذریعے جمہوریت کو ہائی جیک کرنا چاہتا ہے: نقوی

ممبئی، 07 جنوری،(یو این آئی) مرکزی وزیر برائے اقلیتی امور اور ڈپٹی لیڈر، راجیہ سبھا مختار عباس نقوی نے آج یہاں کہا کہ ”خاندانی نظام“ مجرمانہ سازش کے ذریعے جمہوریت کو ہائی جیک کرنا چاہتا ہے وزیر اعظم نریندر مودی کی صحت، تندرستی اور درازی عمر کی دعا کرنے کے بعد مختلف سماجی، مذہبی، تعلیمی اداروں کے سرکردہ لوگوں کے ساتھ، مقدس حاجی علی درگاہ، ممبئی میں موجود صحافیوں سے بات چیت کرتے ہوئے مسٹر نقوی نے کہا کہ پنجاب ایک مجرمانہ سازش تھی، مسٹر مودی کی سیکورٹی



میں کوئی کوتاہی نہیں۔

انہوں نے مزیدکہا کہ دنیا کے مقبول لیڈر شری نریندر مودی کے خلاف جان بوجھ کر سازش کی گئی لاپرواہی، ”کانگریس کے خاندان کی شرمناک بزدلانہ سازش“ کی بدبو سے بھری ہوئی ہے۔

وزیر موصوف نے کہا کہ ”عوامی بنیادوں کی کمزوری نے کانگریس کے قبیلے کو جرائم کا موالی بنا دیا ہے“۔ مسٹر مودی کے خلاف کانگریس کی مخالفت کا جنون ایک سازش میں بدل رہا ہے۔ انہوں نے کہا کہ کانگریس کا قبیلہ کرسی گن رہا ہے، لیکن ملک اس قبیلے کی مجرمانہ کارروائیوں کو گن رہا ہے۔