خاندانی سیاست جمہوریت کے لیے باعث تشویشں: مودی

نئی دہلی، 05 فروری (یو این آئی) وزیر اعظم نریندر مودی نے پیر کو پارلیمنٹ میں کہا کہ خاندانی سیاست اور خاندانی پارٹیاں جمہوریت کے لیے خطرہ ہیں اور خاندانی سیاست ملک کی جمہوریت کے لیے تشویش کا باعث ہونا چاہیے۔ مسٹر مودی پارلیمنٹ کے بجٹ اجلاس کے آغاز پر دونوں ایوانوں کے مشترکہ اجلاس میں صدر کے خطبے پر تحریک شکریہ پر لوک سبھا میں بحث کا جواب دے رہے تھے۔ انہوں نے کہا کہ



خاندانی جماعتیں، خاندانوں کے ذریعے چلائی جانے والی پارٹیاں جمہوریت کے لیے خطرہ ہیں۔ وزیر اعظم مودی نے کہا ”ملک نے اقربا پروری کا خمیازہ اٹھایا ہے، کا نگریس کو بھی اقربا پروری کا خمیازہ بھگتنا پڑا ہے۔“ اپوزیشن اراکین کی ٹو کاٹا کی کے درمیان انہوں نے کہا کہ اگر ایک خاندان کے ایک سے زیادہ افراد اپنی محنت سے سیاست میں داخل ہوتے ہیں اور اگر اپنی قابلیت سے آگے بڑھتے ہیں، تو ان کا خیر مقدم ہے۔