تلنگانہ : حید را ادارہ کی سر گرمیوں کی توسیع ، بی جے پی کا مطالبہ

حیدر آباد 28 اگست (یو این آئی) تالابوں اور جھیلوں کے ایف ٹی ایل علاقوں و بفر زون کے تحفظ کے ساتھ ساتھ ان پر تعمیر کردہ غیر مجاز عمارتوں کو برخواست کرنے کیلئے تلنگانہ حکومت کی جانب سے تشکیل دیئے گئے حیدر آباد ڈیزاسٹر رسپانس ایسیٹ مانیٹرنگ اینڈ پروٹکشن ایجنسی (حیدرا) کے قیام کا استقبال کرتے ہوئے سدی پیٹ ضلع بی جے پی کی جانب سے اس کی سر



گرمیوں کی توسیع کا مطالبہ کیا گیا۔

ضلع کے حسن آب باد میں بی جے پی کی جانب سے اس خصوص میں ایک فلکسی لگایا گیا جس میں تلگو زبان میں لکھا گیا کہ تالابوں کے تحفظ کے لئے اس ادارہ کے اقدامات کا وہ استقبال کرتے ہیں۔ ساتھ ہی تالابوں کے تحفظ اور غیر مجاز تعمیرات کے خلاف کارروائی کرنے کی سر گرمیوں کی تمام پارٹیوں کی جانب سے تائید کرنے کی خواہش کی گئی۔