آندھرا پردیش: رو پڑے چندرا بابو نائیڈو، کہا- وزیراعلیٰ بننے تک اسمبلی میں نہیں آؤں گا

امراوتی، 19 نومبر (ذرائع) تیلگو دیشم پارٹی (ٹی ڈی پی) کے صدر این۔ چندرا بابو نائیڈو جمعہ کو اپنے ایم ایل اے سے بات کرتے ہوئے پھوٹ پھوٹ کر رونے لگے۔ انہوں نے عہد لیا کہ میں اقتدار میں واپس آنے تک آندھرا پردیش اسمبلی میں قدم نہیں رکھوں گا۔

نائیڈو نے کہا کہ حکمراں وائی ایس آر کانگریس کے ارکان کی طرف سے ان کے خلاف مسلسل استعمال کیے جارہے بدسلوکی سے انہیں تکلیف



ہوئی ہے۔

نائیڈو کے جذباتی ہونے کا ویڈیو سوشل میڈیا پر تیزی سے وائرل ہو رہا ہے۔ جذباتی ہو کر وہ کہتے ہیں، 'پچھلے ڈھائی سال سے میں ذلت کا سامنا کر رہا ہوں، لیکن پرسکون رہا... آج انہوں نے میری بیوی کو بھی نشانہ بنایا ہے۔ میں ہمیشہ عزت اور احترام کے ساتھ کھڑا رہا ہوں۔ میں مزید برداشت نہیں کر سکتا۔' نائیڈو اس وقت بھی بولتے رہے جب اسپیکر تممینی سیتارام نے اپنا مائیک کنکشن کاٹ دیا۔