نئی تجارتی خارجہ پالیسی میں نئی مصنوعات پر زور

نئی دہلی، 2دسمبر (یو این آئی)کامرس اینڈ انڈسٹری کے مرکزی وزیر پیوش گوئل نے بدھ کو کہا کہ نئی تجارتی خارجہ پالیسی میں بین الاقوامی سطح پر نئے بازار تلاش کرنے کے ساتھ ساتھ روایتی بازاروں میں نئی مصنوعات کے لئے صارفین بنانے پر زور دیا جائے گا مسٹر پیوش نے یہاں تجارتی بورڈ کی طویل زیرانتظار میٹنگ کی صدارت کرتے ہوئے کہا کہ حکومت ہندستانی معیشت کو رفتار دینے اور



ہندستانیوں کی زندگی کو آسان بنانے کے لئے ہر ممکن کوشش کررہی ہے۔

اس کے لئے حکومت نے گھریلو مینوفیکچرنگ صنعتوں کی حوصلہ افزائی کرنے کے علاوہ ہندستانی مصنوعات کے لئے بین الاقوامی سطح پر نئے بازار تلاش کرنے اور نئی مصنوعات کی برآمدپر زور دیا۔

انہوں نے کہا کہ میعشت کو مضبوط کرنے میں خارجی تجارت کا اہم کردار ہے لیکن اس کے لئے مینوفیکچرنگ صنعت کو بااختیار بنانا ہوگا۔