منی لانڈرنگ معاملہ میں انل دیشمکھ کے خلاف ای ڈی کا لک آؤٹ نوٹس

پونے ، 6 ستمبر (یو این آئی) انفورسمنٹ ڈائریکٹوریٹ (ای ڈی) نے منی لانڈرنگ معاملہ میں نیشنلسٹ کانگریس پارٹی (این سی پی) کے لیڈر اور مہاراشٹر کے سابق وزیر داخلہ انل دیشمکھ کے خلاف لک آؤٹ نوٹس جاری کیا ہے یہ اطلاع ذرائع نے پیر کو دی انفورسمنٹ ڈائریکٹوریٹ کے ایک اعلیٰ افسر نے بتایا کہ مسٹر دیشمکھ کو ملک سے فرار ہونے سے روکنے کے لیے ایک لک آؤٹ نوٹس جاری کیا گیا ہے۔ ای ڈی کے افسر نے



بتایا کہ ایجنسی نے مسٹر دیشمکھ کو کئی سمن بھیجے جنہیں انہوں نے نظر انداز کردیا۔

گزشتہ ماہ سپریم کورٹ نے مسٹر دیشمکھ کو اس معاملے میں ضروری کارروائی سے عبوری راحت دینے سے انکار کے بعد یہ پیش رفت ہوئی ہے۔

مہاراشٹر کے سابق وزیر داخلہ نے اس سے قبل 2 ستمبر کو ایجنسی کے سمن کو منسوخ کرنے کے لیے بمبئی ہائی کورٹ سے رجوع کیا تھا ، حالانکہ درخواست کی فوری سماعت نہیں ہوپائی تھی۔