ممتا بنرجی کے دور اقتدار میں کسانوں کی آمدنی میں تین گنا اضافہ

کلکتہ 7 جنوری (یواین آئی) ریاستی وزیرچندریما بھٹا چاریہ نے کہا کہ 2011 میں ترنمول کانگریس کے اقتدار میں آنے کے بعد کسانوں کی آمدنی میں تین گنا اضافہ ہوا ہے۔

ترنمو ل بھون میں منعقد پریس کانفرنس سے خطاب کرتے ہوئے کہا کہ بی جے پی والے الزام لگارہے ہیں کہ ترنمول کانگریس نے مرکزی



حکومت کی کسان ندھی اسکیم سے کسانوں کو محروم کردیا ہے جب کہ ممتا بنرجی اس اسکیم کو شروع کرنے کےلئے مرکزی وزیر زراعت نریندر سنگھ تومر کو خط لکھ چکی ہیں, اس کے باوجود یہ اسکیم نافذ نہیں کی گئی ۔

انہوں نے کہا کہ ممتا بنرجی پہلے ہی واضح کرچکی ہیں کہ کسانو ں کے مفادات ان کی پہلی ترجیح ہیں۔