دوباک ضمنی انتخابات میں ووٹوں کی گنتی شروع

حیدرآباد،10نومبر(اعتماد) تلنگانہ کے دوباک ضمنی انتخاب کی گنتی منگل کی صبح آٹھ بجے سے شروع ہوگئی ہے۔ اس کا نتیجہ دوپہر 12 بجے تک آنے کا امکان ہے۔ سی سی ٹی وی کیمروں کی نگرانی میں گنتی کی جارہی ہے۔

ضمنی انتخاب کے لئے کل 23 امیدوار میدان میں ہیں۔ گنتی دو کمروں میں ہوگی۔ ہر کمرے میں 7 ٹیبل رکھے گئے ہیں۔ کل 14 ٹیبل رکھے گئے ہیں۔



ووٹوں کی گنتی 27 راؤنڈ میں مکمل ہوگی۔ ٹیبل کے درمیان 6 فٹ کی دوری رکھی گئی ہے۔

حلقہ دوبکا علاقے کی امیدوار سولیپیٹ سجاتا نے چٹٹاپور گاؤں کے پولنگ اسٹیشن میں افراد خاندان کے ساتھ ووٹ ڈالا۔ اسکے علاوہ بی جے پی امیدوار رگھونند راؤ نے بھی بوپپورم پولنگ اسٹیشن میں ووٹ ڈالا۔ جبکہ کانگریس کے امیدوار چیروکوسرینواس ریڈی نے توکوپور پولنگ بوتھ میں ووٹ دیا ہے۔