خواتین پر مظالم کے خلاف دشا نامی قانون 10دنوں کے اندر تشکیل دیا جائے گا

ممبئی ، 25 فروری (یو این آئی )مہاراشٹر کے ریاستی وزیر داخلہ ستیج پاٹل نے آج یہاں بتایا کہ آندھرا پردیش کی طرز پر مہاراشٹر میں بھی خواتین پر ہونے والے مظالم اور ان پرجنسی استحصال کے تعلق سے دشا نامی قانون 10دنوں کے اندر تشکیل دیا جائے گا اور اسے جاری بجٹ اجلاس کے دوران ہی ایوان میں پیش کیا جائے گا ۔

اجلاس کے دوسرے دن اخباری نمائندوں سے گفتگو کرتے ہوئے ستیج پاٹل نے کہا کہ آندھرا پردیش حکومت نے جو قانون تشکیل دیا ہے



اس کے مثبت نتائج برآمد ہوئے ہیں اور خواتین پر ہونے والے مظالم پر کافی حد تک کا روک تھام ہوئی ہے نیز اسی قائدے کے مطابق مہاراشٹر میں بھی یہ قانون تشکیل دیئے جانے کیلئے ایک تین رکنی کمیٹی کی تقرری عمل میں آئی ہے جسے دس دنوں کے اندر قانون تیار کیئے جانے کی ہدایت دی گئی ہے ۔

انہوں نے کہا کہ گزشتہ دنوں وزیر داخلہ انل دیشمکھ کی سربراہی میں ایک وفد نے آندھرا پردیش کا دورہ کیا تھا اور وہاں سے اس قانون کا مسودہ بھی حاصل کیا ہے ۔