ای پیپر
انگلش ویکلی
خصوصی
زیادہ دیکھے گئے
اوپینین پول
جھارکھنڈ اسمبلی انتخابات 2024 میں کون سی سیاسی پارٹی جیتے گی؟
دھامی نے 8 وزراء کے ساتھ وزیراعلیٰ کے عہدے کا حلف اٹھایا
Wed 23 Mar 2022, 19:56:28
دہرادون، 23 مارچ (یو این آئی) اتراکھنڈ کے گورنر لیفٹیننٹ جنرل (ریٹائرڈ) سردار گرمیت سنگھ نے بدھ کے روزریاست کے وزیر اعلیٰ پشکر سنگھ دھامی کو عہدے اور رازداری کا حلف دلایا مسٹردھامی ریاست کے 12ویں وزیر اعلیٰ ہوں گے مسٹر دھامی کے ساتھ مزید آٹھ اراکین اسمبلی نے کابینہ کے وزراء کے طور پر عہدہ اور رازداری کا حلف لیا مسٹرسنگھ نے ستپال مہاراج، پریم چند اگروال، گنیش جوشی، دھان سنگھ راوت، سبودھ انیال، ریکھا آریا، چندن رام داس اور سوربھ بہوگنا کو عہدے اور رازداری کا حلف دلایا۔ مسٹر اگروال نے سنسکرت میں حلف لیا جبکہ مسٹر جوشی نے حلف لینے کے بعد گورنر کو سیلوٹ کیا ۔ محترمہ آریا نے حلف برداری کے دوران روایتی کماؤنی لباس پہن رکھا
تھا۔
تھا۔
حلف برداری کی تقریب میں وزیراعظم نریندرمودی، مرکزی وزیر داخلہ امت شاہ، وزیر دفاع راج ناتھ سنگھ، مرکزی وزراء نتن گڈکری، میناکشی لیکھی، سنجیو بالیان نے بھی شرکت کی۔ اس موقع پر گوا کے نامزد وزیر اعلیٰ پرمود ساونت، اتر پردیش کے نامزد وزیر اعلیٰ یوگی آدتیہ ناتھ ، ہماچل پردیش کے وزیر اعلی جئے رام ٹھاکر، ہریانہ کے وزیر اعلیٰ منوہر لال کھٹر، آسام کے وزیر اعلیٰ ہیمنت بسوا شرما اور مدھیہ پردیش کے وزیر اعلیٰ شیوراج سنگھ چوہان بھی موجود تھے۔ ان کے علاوہ راجستھان کی سابق وزیر اعلی وسندھرا راجے سندھیا، اتراکھنڈ کے سابق وزیر اعلیٰ رمیش پوکھریال نشنک، ترویندر راوت اور تیرتھ سنگھ راوت نے بھی حلف برداری کی تقریب میں شرکت کی۔
اس پوسٹ کے لئے کوئی تبصرہ نہیں ہے.
دنیا بھر سے میں زیادہ دیکھے گئے
Indian Rupee Converter