آلودہ شہروں کے لیے قومی صاف ہوا پروگرام تیار کیا: جاؤڈیکر

نئی دہلی، 19 مارچ (یو این آئی) ماحولیات، جنگلات اور موسمیاتی تبدیلی کے مرکزی وزیر پرکاش جاؤڈیکر نے کہا ہے کہ حکومت نے پانچ سال کے اندر ملک کے 100 سب سے آلودہ شہروں کو ستھرا کرنے کے لیے قومی صاف ہوا پروگرام منصوبہ بنایا ہے لوک سبھا میں جمعہ کے روز وقفہ سوال کے دوران ایک ضمنی سوال کے جواب میں مسٹر جاؤڈیکر نے کہا،’دہلی میں مرکزی حکومت کی کوششوں کے سبب گذشتہ برسوں کے مقابلے آلودگی کم ہوئی ہے۔

انہوں نے کہا کہ حکومت نے گاڑیوں میں بی ایس 6 انجن معیار کے



نظام کو نافذ کیا ہے۔ الیکٹرک گاڑیوں کو فروغ دیا جا رہا ہے۔ دہلی میں 3000 صنعتی یونٹس کو پی این جی سے جوڑا گیا ہے۔

مسٹر جاؤڈیکر نے کہا،’ہندوستان قومی کرداروں کے مد نظر پیرس معاہدے پر عمل درآمد کر رہا ہے۔ ہندوستان میں کاربن اخراج ترقی یافتہ ممالک کے مقابلے کم ہے اور دیگر ملکوں کے زیادہ کاربن اخراج سے ہونے والے موسمیاتی تبدیلی کا نقصان ہندوستان کو اٹھانا پڑ رہا ہے۔ ماحولیات کے تحفظ کے تئیں پابند عہد ہونے کے لحاظ سے ہم دیگر ملکوں کے مقابلے کہیں آگے ہیں‘۔