دنیا کے مختلف ایئرپورٹ پر پھنسے ہوئے ہندوستانیوں کو وطن لانے کا مطالبہ

چندی گڑھ، 21 مارچ (یو این آئی) عام آدمی پارٹی پنجاب (اے اے پی) کے سردار بھگونت سنگھ مان نے وزیر خارجہ سے مختلف ممالک کے ایئرپورٹ پر پھنسے ہوئے ہندوستانیوں کو واپس لانے کے لیے خصوصی اقدامات کرنے کا مطالبہ کیا ہے۔

مسٹر مان نے ملیشیا کے کوالالامپورایئرپورٹ پر پھنسے ہوئے تقریباً 250 سے 300 ہندوستانیوں کے حوالے سے مرکزی حکومت پر زور دیا کہ کورونا وائرس کی عالمی خطرے کی وجہ سے بین الاقوامی پروازیں بری طرح متاثر ہوئی ہیں جس کی وجہ سے بڑی تعداد میں عوام



ٹرانجكشن فلائٹس کے لیے ایئرپورٹ پر ہی پھنس گئے ہیں۔ کوالالامپورمیں پھنسے ہوئے ہندوستانیوں میں پنجابی بھی شامل ہیں۔

مسٹر مان نے باہر پھنسے ہندوستانی شہریوں سے اپیل کی ہے کہ وہ اپنا معاملہ فوری طور پر مرکزی حکومت کے یہاں اٹھائیں تاکہ انہیں واپس لانے کے لیے فوری طور پر خصوصی انتظام کیا جا سکے۔ ان ہندوستانیوں نے پیسے ختم ہونے کی وجہ سے کھانے پینے کے مسائل کے ساتھ ساتھ ایک مقام پر بہت سے افراد کی بھیڑ کے سبب کورونا وائرس کے خطرات کا بھی حوالہ دیا ہے۔