دہلی جیت گئے ، اب بہار کی باری ہے: نڈا

نئی دہلی ، 29 مارچ (یو این آئی) بھارتیہ جنتا پارٹی (بی جے پی) کے قومی صدر جے پی نڈا نے ہفتہ کو پارٹی کارکنوں سے بہار اسمبلی انتخابات کے لئے تیار رہنے کی اپیل کی اور کہا کہ دہلی جیت گئے ہیں ، اب بہار کی باری ہے۔ 

یہاں امبیڈ کر انٹر نیشنل سینٹر میں دہلی بی جے پی کے پوروانچل مورچہ کی طرف سے منعقد ایک بھارت شریشٹھ بھارت اپرو گرام سے خطاب کرتے ہوئے مسٹر نڈا نے راشٹریہ جنتادل



(آرجے ڈی) لیڈر لالو یادو پر سخت حملہ کیا اور کہا کہ ان کے (مسٹر یادو) کے دور میں بہار جنگل راج میں تبدیل ہو گیا تھا۔ انہوں نے کہا کہ ایک وقت ایسا آیا جب لوگوں کا شام 5 بجے کے بعد باہر نکلنا بھی مشکل ہو گیا۔ لالو راج نے بہار کو ڈوبتے ہوئے بہار میں بدل دیا تھا۔ ڈاکٹروں، صنعت کاروں اور دیگر پیشہ ور افراد نے بہار سے نقل مکانی شروع کر دی تھی، لیکن اب صور تحال بدل گئی ہے۔ بہار ترقی کی راہ پر گامزن ہے۔