نئی دہلی،6 جنوری (یو این آئی) بھارتیہ جنتا پارٹی (بی جےپی) کے صدر اور مرکزی وزیر داخلہ امیت شاہ نے راجدھانی دہلی میں سائیکلوں کےلئے الگ سے راستہ بنانے کی ’دہلی سائیکل واک‘ منصوبہ کی آج بنیاد رکھی اور کہا کہ اس منصوبہ سے سائیکل چلانےکے فیشن میں اضافہ ہوگا اور شہر میں آلودگی میں 20 فیصد کمی آئے گی مسٹر امیت شاہ نے جنوبی دہلی کے
تغلق آباد میں منعقد ایک پروگرام میں یہ بات کہی۔
پروگرام میں مرکزی شہری ترقی کے وزیر مملکت (آزادانہ چارج) ہردیپ پوری اور دہلی کے لفٹننٹ گورنر انل بیجل بھی موجود تھے۔
وزیر داخلہ نے بنیاد رکھنےکےبعد کہا کہ انہیں یقین ہے کہ منصوبہ کے مطابق سائیکل ٹریک بنانےکےبعد دہلی کی آلودگی کی سطح میں تقریبا 20 فیصد کمی آئے گی۔