دہلی کی ایک عدالت نے نفرت انگیز تقریرکے معاملے میں وزیر اعظم نریندر مودی کے خلاف ایف آئی آر درج نہ کرنے پر متعلقہ تھانے سے کارروائی رپورٹ طلب کی

نئی دہلی, 17 مئی (یواین آئی)دہلی کی ساکیت میٹروپولیٹن عدالت نے آج سینئر صحافی قربان علی کی عرضی پر سماعت کرتے ہوئے دہلی کے حضرت نظام الدین پولیس اسٹیشن سے نفرت انگیز تقریر کے معاملے میں وزیر اعظم نریندر مودی کے خلاف شکایت سے متعلق رپورٹ طلب کی ہےعدالت نے متعلقہ تھانے سے کارروائی کی



رپورٹ (اے ٹی آر) طلب کرتے ہوئے پوچھا کہ قربان علی کی ایف آئی آر درج کیوں نہیں کی گئی؟

مسٹر قربان علی نے 21 اپریل 2024 کو بانسواڑہ راجستھان میں ایک انتخابی ریلی کے دوران مسلمانوں کو نشانہ بنانے اور عوامی نمائندگی ایکٹ 1951 کی خلاف ورزی کرنے پر وزیر اعظم نریندر مودی کے خلاف کارروائی کا مطالبہ کیا تھا۔