لبنان: بیروت میں برطانوی خاتون سفارتکار کی عصمت ریزی کے بعد قتل، سڑک کنارے ملی لاش

بیروت/18ڈسمبر(ایجنسی) لبنان میں 2 روز قبل مردہ حالت میں ملنے والی برطانوی خاتون سفارت کار کو زیادتی کے بعد قتل کرنے کا انکشاف ہوا ہے۔

مقامی ویب سائٹ کے مطابق لبنان میں تعینات برطانوی خاتون سفارت کار 'rebecca-dykesربیکا ڈیکس' کی لاش 2 روز قبل دارالحکومت بیروت کے مضافاتی علاقے جل الدیب سے ملی تھی۔



پولیس اور انٹیلی جنس اداروں نے خاتون سفارت کار کی لاش کو قبضے میں لے کر تفتیش شروع کردی تھی جس کے دوران اس بات کا انکشاف ہوا ہے کہ 'ربیکا ڈیکس' کو زیادتی کے بعد پھندا لگاکر قتل کیا گیا ہے۔

مقامی میڈیا کا کہنا ہے کہ 'ربیکا ڈیکس' 2010 سے برطانوی وزارت خارجہ کی ملازم تھیں، انہیں ممکنہ طور پر گزشتہ جمعے کو اغوا کیا گیا اور پھر زیادتی کے بعد قتل کرکے ان کی لاش پھینک دی گئی۔