ملک کے نوجوان نئے ہندوستان کے سفیر ہیں: برلا

نئی دہلی، 30 اکتوبر (یو این آئی) لوک سبھا صدر اوم برلا نے کہا کہ ہندوستان کا نوجوان اپنی اختراع، تحقیق اور بہتر کام سے ملک کو مضبوط بنا سکتاہے اور نئے ہندوستان کی تعمیر میں ملک کے نوجوان نئے سفیر ہیں۔

مسٹر برلا نے سنیچر کو انڈین انسٹی ٹیوٹ آف انفارمیشن ٹیکنالوجی، کوٹا کے پہلے کانووکیشن کو ورچوئل طور پر خطاب کرتے ہوئے کہا کہ انہیں ملک کے کروڑوں لوگوں کی سماجی اقتصادی زندگی میں تبدیلی لانے کےلئے انتھک کوشش کرنے کی ضرورت ہے۔ طلبا کی آگے زندگی میں ان کی خود اعتمادی، خود کی طاقت اور استطاعت ہی



ان کو صحیح راستہ دکھائے گی۔

انہوں نے نوجوانوں سے اپیل کی کہ ایک ٹیکنو کریٹ کے طور پر ان کا فرض ہے کہ وہ اپنے ملک کو ہر تبدیلی کے لئے تیار رکھیں اور اس کے لئے انہیں نئی انواع، نئے خیالات اور نئے طرز عمل کے ساتھ کام کر کے اپنی تخلیقی صلاحیتوں کو بروئے کار لانا ہو گا۔ نوجوانوں کی طاقت کے ذریعے قوم کی تعمیر کے بارے میں مسٹر برلا نے کہا کہ ہندوستان کے نوجوان اپنی اختراع، تحقیق اور کارکردگی سے ملک کو مضبوط بنا سکتے ہیں۔ نیو انڈیا بنانے کا ذکر کرتے ہوئے انہوں نے کہا کہ ملک کے نوجوان نیو انڈیا کے سفیر ہیں۔