بیجنگ / جنیوا / نئی دہلی ،11 اپریل (یواین آئی) عالمی وبا کورونا وائرس (كووڈ -19) رکنے کا نام نہیں لے رہا ہے اور اب دنیا کے زیادہ تر ممالک (205 ممالک اور علاقوں) میں پھیل چکے اس وباسے مرنے والوں کی تعداد ایک لاکھ سے تجاوز کرکے 102428 تک پہنچ گئی ہے اور 1686498 افراد اس وبا متاثرہوئے ہیں۔ دنیا بھر میں اب تک 3.75 لاکھ افراد اس
وائرس سے ٹھیک بھی ہوئے ہیں۔
ہندوستان میں بھی کورونا وائرس تیزی سے پھیل رہا ہے اور وزارت صحت کی جانب سے جمعہ کی شام جاری اعدادوشمار کے مطابق ملک کی 31 ریاستوں اور مرکز کے زیر انتظام علاقوں میں اب تک 6761 افراد اس وبا سے متاثرہوئے ہیں، جبکہ 206 افراد ہلاک ہو چکے ہیں۔ وہیں اب تک 516 افراد اس انفیکشن سے بالکل ٹھیک ہو چکے ہیں۔