کانگریس کی لوک سبھا امیدواروں کی پہلی فہرست جاری، 39 ناموں کا اعلان

نئی دہلی، 8 مارچ (ذرائع) کانگریس نے لوک سبھا انتخابات 2024 کے لیے اپنے امیدواروں کی پہلی فہرست جاری کر دی ہے۔ پہلی فہرست میں 39 امیدواروں کے نام ہیں۔ راہل گاندھی کے ساتھ ساتھ بھوپیش بگھیل اور ششی تھرور جیسے بڑے نام بھی اس فہرست میں شامل ہیں۔ کانگریس کی اس فہرست کا اعلان بی جے پی کے 195 امیدواروں کی پہلی فہرست کے جاری ہونے کے ایک ہفتہ سے



بھی کم وقت کے بعد کیا گیا ہے۔

اس فہرست سے واضح ہے کہ راہل گاندھی وایناڈ سے الیکشن لڑیں گے۔ حالانکہ یہ واضح نہیں ہے کہ وہ 2019 کی طرح امیٹھی سے بھی الیکشن لڑیں گے یا نہیں۔ ششی تھرور ترواننت پورم سے الیکشن لڑیں گے۔ وہ اس سیٹ سے مسلسل تین بار رکن رہے ہیں۔ وہیں پارٹی نے چھتیس گڑھ کے سابق وزیر اعلی بھوپیش بگھیل کو راج ناندگاؤں سے میدان میں اتارا ہے۔