دہلی میں بلیک فنگس کے معاملے پر کانگریس رہنما نے بیجل کو خط تحریر کیا

نئی دہلی، 17 مئی (یواین آئی) دہلی پردیش کانگریس کے سینئر رہنما ڈاکٹر نریش کمار نے لیفٹیننٹ گورنر انیل بیجل کو خط لکھا ہے کہ دارالحکومت میں سیاہ فنگس (مائیکرومائکوسس) کی بیماری نے دستک دے دی ہے لیکن کیجریوال حکومت نے اس سے نمٹنے کے لئے کوئی انتظام نہیں کیا ہے۔

ڈاکٹر کمار نے مسٹر بیجل کو بتایا کہ اس مرض میں مبتلا مریض کا دہلی کے کسی بھی اسپتال میں علاج نہیں ہورہا ہے۔ کیونکہ دہلی کے کسی بھی اسپتال میں اس بیماری سے لڑنے کے لئے کوئی سینٹر نہیں قائم کئے گئے ہیں۔

انہوں نے بتایا کہ "مجھے آپ کو بڑے دکھ کے ساتھ کہنا پڑتا ہے کہ ایمس کے ڈائریکٹر ڈاکٹر رندیپ گلیریا کی انتباہ کے بعد بھی دہلی کے وزیر اعلی اروند کیجریوال نے اس بیماری سے لڑنے کے لئے کوئی انتظام نہیں کیا ہے اور نہ ہی دہلی میں مراکز



تعمیر کیے ہیں۔" اور نہ ہی کوئی الگ اسپتال بنائے گئے ہیں۔‘‘

انہوں نے مسٹر بیجل کو بتایا کہ ملک میں مہاراشٹر ، اترپردیش ، ہریانہ ، راجستھان کی متعدد ریاستوں میں اس بیماری میں مبتلا مریضوں کے لئے الگ الگ مراکز اور اسپتال قائم کیے ہیں اور مفت علاج کرنے کا اعلان کیا ہے۔ دہلی کے وزیر اعلی ابھی سورہے ہیں۔ اس بیماری کے پیش نظر دہلی کے اندر اس بیماری کے مریضوں کے لئے الگ الگ اسپتال / مراکز قائم کیے جائیں۔ اور ان مریضوں کا ان میں مفت علاج کیا جانا چاہئے۔

اس کے ساتھ دہلی کے تمام ڈسٹرکٹ مجسٹریٹ اور سب ڈویژنل افسران کو ہدایت دی جائے کہ ایسے مریضوں کی شناخت ہوتے ہی انہیں مذکورہ اسپتالوں میں داخل کرایا جائے اور ایک ہیلپ لائن بھی بنائی جائے تاکہ اس بیماری میں مبتلا مریضوں کو پریشانیوں کا سامنا نہ کرنا پڑے۔