کانگریس نے ہماچل میں 67 نئے عہدیداروں کا تقرر کیا

نئی دہلی، 25 مئی (یو این آئی) کانگریس نے ہماچل پردیش یونٹ کے لئے تین سینئر نائب صدر، چھ نائب صدر اور 13 جنرل سکریٹری سمیت 67 نئے عہدیداروں کا تقرر کیا ہے۔

بدھ کو یہ اطلاع دیتے ہوئے کانگریس جنرل سکریٹری کے سی وینوگوپال نے کہا کہ پارٹی صدر سونیا گاندھی نے ان عہدوں پر تقرری کو منظوری دے دی ہے اور تمام عہدیداروں سے کہا ہے کہ وہ فوری طور پر کام شروع کریں۔

انہوں نے کہا کہ پارٹی نے سینئر قائدین ٹھاکر



سنگھ بھرموری، رنگیلا رام راؤ اور آدرش سود کو سینئر نائب صدر اور سینئر قائدین کشوری لال، جگجیون پال، سوہن لال، کرنیش جنگ، چرنجیو لال اور مہندر چوہان کو نائب صدر بنایا ہے۔

پارٹی نے بی ٹھاکر، سنجے رتن، اتل شرما، یشونت چجتا، بھوانی پٹھانیا سمیت 13 لوگوں کو جنرل سکریٹری اور مسٹر رمیش چوہان اور منموہن کٹوچ کو سینئر ترجمان اور دیویندر بھوسیہاری کو ترجمان بنایا گیا ہے۔ ریاستی یونٹ میں 44 نئے سکریٹری بھی بنائے گئے ہیں۔