سی ایم کے سی آر جمعرات کو پرچہ نامزدگی داخل کریں گے

حیدرآباد، 8 نومبر (ذرائع) بی آر ایس کے صدر اور چیف منسٹر کے چندر شیکھر راؤ جمعرات یعنی 9 نومبر کو تلنگانہ میں آئندہ اسمبلی انتخابات سے قبل گجویل اور کاماریڈی حلقوں سے اپنا پرچہ نامزدگی داخل کریں گے۔ کاغذات نامزدگی داخل کرنے کی آخری تاریخ 10 نومبر ہے جبکہ پولنگ 30



نومبر کو ہونے والی ہے۔

چندر شیکھر راؤ پہلے ہی سدی پیٹ ضلع کے کونائی پلی میں سری وینکٹیشور سوامی مندر گئے تھے اور دیوتا کے سامنے اپنا پرچہ نامزدگی رکھنے کے بعد خصوصی پوجا کی تھی۔

سال 1985 میں پہلی بار ایم ایل اے کے طور پر جیت سے اب تک وہ ہر بار مندر میں پوجا کرتے آرہے ہیں۔