چین میں زلزلے کے جھٹکے کئی عمارتیں گرنے لگیں

چین ، 6 ستمبر (ذرائع) چین میں پیر کو 6.8 شدت کا زلزلہ آیا۔ یہ حالیہ برسوں میں صوبہ سیچوان میں آنے والے سب سے طاقتورجھٹکوں میں سے ایک رہا- ااس زلزلے سے اب تک 65 افراد کے ہلاک ہونے کی اطلاعات ہیں۔ زلزلے میں 50 ہزار افراد کو محفوظ مقامات پر منتقل کیا گیا اور سینکڑوں افراد کو امدادی کارکنوں نے بچا لیا۔ زلزلے کے بعد اب خدمات کی بحالی اور ہنگامی امداد کی فراہمی پر زور دیا جا رہا ہے۔ ادھر ٹوئٹر پر ایک ویڈیو منظر عام پر آئی ہے جس میں دکھایا گیا ہے کہ اس زلزلے کا اثر کتنا شدید تھا۔ سوشل میڈیا پر موجود اس کلپ میں دکھایا گیا ہے کہ عمارتیں گر رہی ہیں اور زمین ہل رہی ہے۔ یہ ویڈیو ایک کار کے ڈیش کیم سے ریکارڈ کی گئی ہے جو زلزلے کے وقت سڑک پر چل رہی تھی۔