مرکزی وزارت صحت ریاستوں کو زیادہ سے زیادہ ویکسین دستیاب کرائے : گہلوت

جے پور،25 مئی ( یواین آئی) راجستھان کے وزیراعلی اشوک گہلوت نے کہا ہے کہ مرکزی وزارت صحت کو اعداد و شمار کی بازیگری چھوڑکرریاستوں کو زیادہ سے زیادہ ویکسین کی دستیابی یقینی بنانی چاہئے مسٹرگہلوت نے آج سوشل میڈیا کے ذریعے یہ بات کہی  انہوں نے کہا کہ اگر تیسری لہر نے بچوں کو متاثر کیا تو ملک کبھی معاف نہیں کرے گا ۔

وزیر اعلی نے کہا کہ وزیر اعظم نریندر مودی اور مرکزی وزیر صحت ڈاکٹر ہرش وردھن کو ویکسین پیداوار



کو اولین ترجیح دینے چاہئے اور اس کے لئے اگر ضرورت ہو تو قانون میں ترمیم کر کے دیگر کمپنیوں کو بھی ویکسین تیار کرنے کی ترغیب دی جانی چاہئے۔

انہوں نے کہا کہ 130 کروڑ آبادی والے ہمارے ملک میں جلد ہی سبھی کے لئے ویکسین نہیں ہوئی اور کورونا کی تیسری لہر نے بچوں کو اپنے گرفت میں لے لیا توپھرآکسیجن اور ادویات کی کمی سے جو صورتحال دوسری لہر میں بنی تھی ، اس سے کہیں زیادہ تیسری لہر میں ہو گئی اور ہم بچوں کو بچا نہیں پائیں گے۔