کسانوں کے مفاد کے لیے کام کریں مرکزی اور ریاستی حکومتیں: نائیڈو

نئی دہلی، 16 دسمبر (یو این آئی) نائب صدر ایم وینکیا نائیڈو نے مرکزی اور ریاستی حکومتوں سے کسانوں کے حق میں کام کرنے کی اپیل کرتے ہوئے بدھ کے روز اعتماد ظاہر کیا کہ مخالفت کرنے والے کسانوں کے مسائل کا جلد ہی منطقی حل نکال لیا جائے گا مسٹر نائیڈو نے حیدرآباد میں ایک پروگرام سے خطاب کرتے ہوئے کہا کہ کسان اور حکومت دونوں بات چیت پر آمادہ ہیں اور متعلقہ مسائل کو جلد حل کر لیا جائے گا۔ انہوں نے کہا کہ طویل عرصے سے کسانوں کے لیے بلا روک ٹوک آزاد بازار مہیا کروانے کا ایک مطالبہ رہا



ہے۔ ملک کی ترقی کسان کی ترقی سے وابستہ ہے لہٰذا ہر کسی کو کسانوں کا تعاون کرنا چاہیے۔ انہوں نے کسانوں کی تعریف کرتے ہوئے کہا کہ کورونا وبا کے دوران انہوں نے ریکارڈ اشیائے خوردنی پیدا کی ہے۔

انہوں نے کہا کہ کسانوں کی ضرورتوں کو پورا کرنے کے لیے مرکزی اور ریاستی حکومتوں کو ’ٹیم انڈیا‘ کی طرح کام کرنا چاہیے۔ انہیں فصلوں کی مناسب قیمتوں کے علاوہ وقت پر سستی پونجی بھی مہیا کروائی جانی چاہیے۔ تمام علاقوں میں کولڈ اسٹوریج بنائے جانے چاہیئیں تاکہ زرعی پیداوار کی بربادی روکی جا سکی۔