ویکسینیشن کی ذمہ داری سے مرکز نے پلہ جھاڑلیا:سونیا

نئی دہلی 10 مئی (یواین آئی) کانگریس صدرسونیا گاندھی نے ملک میں کورونا وبا کی سنگین صورت حال کے تعلق سے مرکزی حکومت پر نشانہ لگاتے ہوئے کہا ہے کہ اس نے ذمہ داریوں سے پلہ جھاڑکر ٹیکہ کاری کاکام ریاستوں پر چھوڑدیا ہے محترمہ گاندھی نے ایک ماہ کے اندر دوسری بار پیر کو یہاں ورچوئل بلائی گئی پارٹی کی اعلی ترین پالیسی ساز تنظیم کانگریس ورکنگ کمیٹی کی میٹنگ سے خطاب کرتے ہوئے الزام لگایا کہ مرکزی حکومت نے ٹیکہ کاری کہ اپنی ذمہ داری سے منھ موڑلیا ہے اوراس نے یہ کام ریاستوں کے سر مڑھ دیا



ہے۔

انہوں نے کہا کہ بحران کے اس دورمیں تمام لوگوں کا تیزی سے ویکسینیشن کرانے کی ضرورت ہے اورمرکزی حکومت کو تمام لوگوں کو مفت ویکسین مہیا کرانی چاہیے۔ ان کا کہنا تھا کہ مرکز کے ذریعہ تمام لوگوں کو مفت ویکسین دستیاب کرانا معاشی طور سے بھی جائزہوگا۔

محترمہ گاندھی نے کہا کہ کورونا کی صورت حال مسلسل خطرناک ہورہی ہے۔ حکومت اسے کنٹرول کرنے میں ناکام ہوگئی ہے اور اس کی ناکامیاں ملک کے لئے خطرہ بن گئی ہیں۔ اس کی اس ناکامی کا نتیجہ ہے کہ ملک بھر میں صحت عامہ کا نظام تباہ ہوگیا ہے۔