لتھائی لینڈ کے شاہ نےاپنی محافظہ کو شریک حیات بنایا

بینکاک ،2مئی(ایجنسی)تھائی لینڈ کے شاہ  ماہا وازیرالونگ کورن vajiralongkorn نے اپنے ذاتی سلامتی دستے کی ڈپٹی ہیڈ سوتھیدا تدجئی suthida-tidjai کو اپنی شریک حیات بناتے ہوئے انہیں ملکہ کا خطاب دیا۔

 بی بی سی نیوز کے مطابق 66سالہ شاہ وازیرالونگ نے بدھ کو شادی کی ہے۔انہوں نے ہفتے سےشروع ہونے ولاے اپنے باضابطہ طورپر ہونے والی تاج پوشی سے محض کچھ روز پہلے ہی اپنی محافظ کو ملکہ بنانے کا فیصلہ کیا۔وہ اپنے والد شاہ بھومیبول ادویادیج کے اکتوبر 2016میں ہوئے انتقال کے بعدا ٓئینی طورپر بادشاہ بنائے گئے تھے۔ان کے والد نے 70سال تک تخت سنبھالا تھا۔وازیرالونگ کورن نے پہلے بھی کئی شادیاں کی ہیں اور تین بار ان کا طلاق بھی ہوچکا ہے۔ان کے سات بچے بھی ہیں۔تھائی لینڈر کے لوگ اچانک ہوئی اس شادی سے حیرت میں ہیں۔شام تک تھائی لینڈ کے سبھی ٹیلیو یژن پر شادی کی ویڈیو اور تصویریں دکھائی جارہی تھیں۔