بی جے پی نے کارپوریشن انتخابات ملتوی کرکے شہیدوں کی توہین کی: کیجریوال

نئی دہلی، 23 مارچ: دہلی کے وزیر اعلی اروند کیجریوال نے کہا کہ بی جے پی کا دہلی میونسپل کارپوریشن انتخابات کو ملتوی کرنا شہیدوں کی توہین ہے مسٹر کیجریوال نے ایک ٹویٹ میں کہاکہ بی جے پی کا دہلی میونسپل کارپوریشن کے انتخابات کو ملتوی کرنا ان شہیدوں کی توہین ہے جنہوں نے انگریزوں کو ملک سے بھگا کر ملک میں جمہوریت قائم کرنے کے لیے قربانیاں دیں۔ آج



وہ شکست کے خوف سے دہلی میونسپل کارپوریشن کے انتخابات کو ملتوی کر رہے ہیں، کل وہ ریاستوں اور ملک کے انتخابات کو ملتوی کر دیں گے۔

بی جے پی خود کو دنیا کی سب سے بڑی پارٹی کہتی ہے۔ کمال ہے۔ دنیا کی سب سے بڑی پارٹی گھبراہٹ میں چھوٹی عام آدمی پارٹی سے گھبرا کربھاگ گئی؟ اگر آپ میں ہمت ہے تو دہلی میونسپل کارپوریشن کے انتخابات وقت پر کروا کر دکھائیں۔