تلنگانہ اور اے پی کے وزرائے اعلی عوام کو مشتعل کرنے کی کوشش کررہے ہیں:بنڈی سنجے

حیدرآباد6جولائی(یواین آئی)دریائے کرشنا کے پانی کی تقسیم کے مسئلہ پر دونوں تلگو ریاستوں تلنگانہ اور آندھراپردیش میں جاری شدید تنازعہ اور مسائل پر تلنگانہ بی جے پی کے صدر بنڈی سنجے نے ردعمل ظاہر کرتے ہوئے کہا کہ انہوں نے مرکز کو مکتوب روانہ کرتے ہوئے اے پی کے رائل سیمالفٹ پروجیکٹ کی تعمیر کوروکنے کی خواہش کی



تھی۔

سنجے نے میڈیا سے بات کرتے ہوئے کہا کہ اس مسئلہ کو اٹھانے والے وہ پہلے فرد تھے۔

انہوں نے نشاندہی کرتے ہوئے کہا کہ مرکز نے اس معاملہ کے حل کے لئے 5اگست 2020کو ایپکس کونسل کا قیام عمل میں لایاتھا تاہم تلنگانہ کے وزیراعلی کے چندرشیکھرراو نے اس کونسل کے اجلاس کے دن ہی کابینہ کا اجلاس طلب کیا اور اس کونسل کے اجلاس میں شریک نہیں ہوئے۔