اعظم گڑھ:پولیس کاروائی دلت مخالف ذہنیت کا مظہر:پرینکا

لکھنو:05جولائی(یواین آئی) کانگریس جنرل سکریٹری اور اترپردیش انچارج پرینکا گاندھی واڈرا نے اعظم گڑھ کے روناپار علاقے میں پولیس پر حملے کے ملزم مقامی افراد پر پولیس کاروائی کی مخالفت کرتے ہوئے اسے دلت مخالف ذہنیت کا مظہرقرار دیا ہے محترمہ واڈرا نے پیر کو ٹوئٹ کیا"اعظم گڑھ روناپور کے پلیا گاؤں میں یوپی پولیس کے ذریعہ دلت کنبوں پر حملہ کرنے کی خبر آرہی ہے۔ وہاں کئی مکانوں کو توڑا گیا،سینکڑوں پر مقدمہ درج کیا۔یہ حکومت



کی دلت مخالف ذہنت کا مظہر ہے۔ فوراخاطیوں کے اوپر لاپرواہی ہو اور متاثرین کو معاوضہ دیا جائے۔

قابل ذکر ہے کہ گذشتہ منگل کو علاقے کے پلیا گاؤں ڈاکٹر کے ساتھ مارپیٹ کے واقعہ کی جانچ کرنے گئے پولیس اہلکار پر مقامی افراد نے حملہ کردیا تھا جس میں دو سپاہی زخمی ہوگئے تھے۔اس سلسلے میں متاثرڈاکٹر اور پولیس کی جانب سے دو الگ الگ معاملے درج کئے گئے تھے۔ پولیس نے اس معاملے میں 24نامزدد کے ساتھ 115نامعلوم افراد کے خلا ف مقدمہ درج کیا تھا۔