گہلوت انجیو پلاسٹی کے بعد صحتیاب

جے پور، 27 اگست (یو این آئی) راجستھان کے وزیراعلیٰ اشوک گہلوت کے جے پور کے سوائی مان سنگھ اسپتال میں انجیو پلاسٹی کی گئی۔

میڈیا انچارج لوکیش شرما نے بتایاکہ انجیو پلاسٹی کے بعد اب کوئی فکر کی بات نہیں ہے۔ ایس ایم ایس میڈیکل کالج کے پرنسپل ڈاکٹر سبودھ بھنڈاری جلد ہی مسٹر گہلوت کی صحت کے حوالے سے ایک بلیٹن



جاری کریں گے۔

قبل ازیں ، سینے میں درد کی شکایت کے بعد مسٹر گہلوت کو ایس ایم ایس ہسپتال میں داخل کرایا گیا جہاں ان کی جانچ کے بعد انجیو پلاسٹی کی گئی۔ ہسپتال ذرائع کے مطابق ان کی شریانوں میں رکاوٹ پائی گئی۔ اب وہ صحت مند بتائے جارہے ہیں۔

صبح مسٹر گہلوت نے ہسپتال سے ہی ٹویٹ کرکے اپنی طبیعت کے بارے میں بتایا تھا۔