تہاڑ جیل سے رہا ہوئے اروند کیجریوال - میں نے کہا تھا...

دہلی، 10 مئی (ذرائع) دہلی کے وزیر اعلی اروند کیجریوال کو سپریم کورٹ سے عبوری ضمانت ملنے کے بعد تہاڑ جیل سے رہا کر دیا گیا ہے۔ کیجریوال جیل نمبر 2 سے رہا ہوئے اور تہاڑ جیل کے گیٹ نمبر 4 سے باہر آئے۔ کیجروال نے جیل سے باہر آنے کے بعد کہا کہ میں نے کہا تھا کہ جلد آونگا- آگیا- ساتھ ہی انہوں نے کہا کہ ہنومان جی کے



آشیرواد سے میں آپ سب کے درمیان ہوں۔ ملک کے کروڑوں لوگوں نے مجھے اپنے آشیرواد بھیجے۔ اس دوران انہوں نے سپریم کورٹ کے ججز کا بھی شکریہ ادا کیا۔ وہیں کیجروال کی اہلیہ سنیتا کیجروال نے جمعہ کو انکے شوہر کو عبوری ضمانت دینے کے سپریم کورٹ کے فیصلے کو جمہوریت کی جیت بتایا اور کہا کہ یہ راحت لاکھوں لوگوں کی دعاؤں اور آشیرواد کا نتیجہ ہے-