نئے سکریٹریٹ کے افتتاح کے لیے انتظامات زور شور جاری

حیدرآباد، 28 اپریل (ذرائع) نئے ڈاکٹر بی آر امبیڈکر تلنگانہ اسٹیٹ سکریٹریٹ کے افتتاح کے لیے صرف ایک دن باقی رہ گیا ہے، روڈس اینڈ بلڈنگس اور محکمہ پولیس افتتاحی تقریب کے لیے تمام ضروری انتظامات میں لگے ہوئے ہیں۔

پولیس کو ڈور فریم میٹل ڈیٹیکٹر لگاتے ہوئے دیکھا گیا، اس کے علاوہ پورے احاطے کو سنففر کتوں اور بم ڈٹیکٹروں سے اسکین



کیا گیا۔

چیف سکریٹری اے کی ہدایت کے مطابق محکمہ کے تمام عہدیداروں نے بھی اپنے دفاتر بی آر کے بھون سے نئے سکریٹریٹ میں الاٹ شدہ منزلوں پر منتقل کردیئے۔

ہر منزل پر تقریباً تین محکموں کو جگہ دی جا رہی ہے۔ مختلف محکموں کے اہلکاروں کو مختلف منزلوں میں متعلقہ الاٹ شدہ چیمبروں میں فائلیں اور کمپیوٹر، پرنٹرز اور دیگر سامان لے جاتے دیکھا گیا۔