اے ایم یو ،الہ آبادیونیورسٹی نے حکومت کو تشدد پر کوئی رپورٹ نہیں بھیجی :نشنک

نئی دہلی،3فروری(یواین آئی)حکومت نے آج کہا کہ علی گڑھ مسلم یونیورسٹی اور الہ آباد یونیورسٹی نے اپنےکیمپس میں تشدد کے سلسلے میں حکومت کو کوئی رپورٹ نہیں بھیجی ہے اور نہ ہی اس بارے میں کسی قسم کی کارروائی کرنے کی اپیل کی ہے۔

انسانی وسائل کی ترقی کے وزیر رمیش پوکھریال نشنک نے یہاں لوک سبھا میں ایک سوال کے جواب میں کہا کہ دارالحکومت میں واقع جامعہ ملیہ اسلامیہ نے مرکزی حکومت کو اس بارے میں رپورٹ دی ہے اور تشدد کے واقعہ



کی جانچ کےلئے اعلی حقوق حاصل کمیٹی کی تشکیل کی اپیل کی ہے۔چونکہ معاملہ امن و قانون سے وابستہ ہے اس لئے اسے مناسب کارروائی کےلئے متعلقہ محکمے کو بھیجاگیا ہے۔

مسٹر پوکھریال نے کہاکہ کہ چونکہ یونیورسٹی قانونی طورپر خود مختار تنظیم ہیں اور سبھی انتظامیہ اور تعلیم سے متعلق فیصلے اس کے خودمختار یونٹ جیسے ایگزیکیوٹو کونسل،ایجوکیشنل کونسل اور کورٹ وغیرہ کے منظوری کےلئے جاتے ہیں۔اس لئے یونیورسٹی ایسے معاملوں سے نمٹنے کے قابل ہے۔