امیت شاہ آسامی لیڈر اننت رائے سے ملاقات کریں گے

گوہاٹی، 11 فروری (یو این آئی) بھارتیہ جنتا پارٹی کے لیڈر امیت شاہ آسام اور مغربی بنگال میں ہونے والے اسمبلی انتخابات کے پیش نظر جمعرات کے روز ضلع چیرانگ میں راجبنشی برادری کے لیڈر اننت رائے سے ملاقات کریں گے۔

مسٹر اننت رائے کو آسام اور مغربی بنگال کے لوگوں میں بہت مقبولیت حاصل ہے۔ مسٹر امیت شاہ گزشتہ رات



گوہاٹی پہنچے تھے۔ مسٹر شاہ دوپہر کے کھانے اور مسٹر رائے سے ملاقات کرنے کے بعد مغربی بنگال کے لئے روانہ ہوں گے۔

آسام اور مغربی بنگال میں مسٹر اننت رائے کے حامیوں کی ایک بڑی تعداد ہے اور وہ رواں سال ان دونوں ریاستوں میں ہونے والے اسمبلی انتخابات میں بھارتیہ جنتا پارٹی کی فتح کو یقینی بنانے میں اہم کردار ادا کرسکتے ہیں۔