امت شاہ نے اے راجا کے بیان کی مذمت کی

تروکوویلور ،یکم اپریل ( یواین آئی) تمل ناڈو کے وزیر اعلی ای کے پلانی سوامی اور ان کی والدہ کے خلاف ڈراوڈا منیتر کشگم (ڈی ایم کے) کے رکن پارلیمنٹ اے راجہ کے توہین آمیز ریمارکس کے خلاف مرکزی وزیر داخلہ امت شاہ نے 6 اپریل کو ریاست کی ماؤں اور بہنوں سے اسمبلی انتخابات میں خواتین مخالف ڈی ایم کے کو سبق سکھانے کو کہا۔

جمعرات کے روز ایک انتخابی ریلی سے خطاب کرتے ہوئے امت شاہ نے کہا "میں نے ڈی ایم کے رہنما اے راجہ کا بیان دیکھا ہے



اور آنجہانی خاتون کے خلاف جس طرح کا بیان دیا ہے اس سے یہ ظاہر ہوتا ہے کہ ڈی ایم کے میں عورتوں کے لئے کوئی احترام نہیں ہے۔

ڈی ایم کے اور کانگریس کی تنقید کرتے ہوئے شاہ نے کہا کہ یہ پارٹیاں بدعنوان ہیں اور کسی بھی طرح انتخابات جیتنا چاہتی ہیں۔ اس سے قبل ڈی ایم کے نے آنجہانی وزیر اعلی جے جے للیتا کے خلاف بھی اسی طرح کا بیان دیا تھا اور میں آپ سبھی ماؤوں بہنوں سے اپیل کرتا ہوں کہ ڈی ایم کے خواتین مخالف امیج کو زبردست سبق سکھانا چاہئے۔