سیلاب میں نو جانیں بچانے والے سبحان خان کو اے آئی ایم آئی ایم پارٹی نے اعزاز سے نوازا

حیدرآباد،7 ستمبر(ذرائع) سبحان خان، وہ شخص جس نے تلنگانہ میں حالیہ سیلاب کے دوران نو جانیں بچائیں،ان کی بہادری کے لیے  ہفتہ 7 ستمبر کو آل انڈیا مجلس اتحاد المسلمین (اے آئی ایم آئی ایم) کی جانب سے انہیں اعزاز سے نوازا گیا۔اے آئی ایم آئی ایم کے صدر اسد الدین اویسی اور دیگر ایم ایل ایز نے



سبحان خان سے دارالسلام میں ملاقات کی اور انہیں 51,000 روپے کا چیک پیش کیا۔ ہریانہ کے میوات ضلع کے رہنے والے سبحان خان نے کھمم ضلع میں سیلاب کے دوران نو لوگوں کو بچایا تھا۔صدر مجلس نے تلنگانہ کے وزیر اعلیٰ اور کھمم کے ضلع کلکٹر سے سی ایم ریلیف فنڈ کے تحت 2 بی ایچ کے، فلیٹ اور کچھ معاوضہ فراہم کرنے کی بھی درخواست کی۔