ایمس کی ’ای - آئی سی یو ‘ پہل سے 11 ریاستوں کے 43 سرکاری اسپتال جڑے

نئی دہلی،20 جولائی(یواین آئی)کورونا وائرس کوویڈ 19 کے انفیکشن کی وجہ سے شدید طور پر بیمار ہوئے مریضوں کے انتطام کےلئے آل انڈیا میڈیکل سائنس انسٹی ٹیوٹ (ایمس) کے ذریعہ تقریباً دو ہفتے پہلے شروع کی گئی ’ای - آئی سی یو ‘مہم کے تحت اب تک 11 ریاستوں کے 43 اسپتالوں کے ڈاکٹروں کو ای - صلاح دی گئی۔

ایمس نے گزشتہ آٹھ جولائی کو ’ای - آئی سی یو ‘ کی ویڈیو صلاح مہم شروع کی تھی ۔اس مہم کے تحت ایمس کے ماہر ڈاکٹر کورونا کی جنگ میں مدد کا ہاتھ بڑھاتے ہوئے ریاستی اسپتالوں کے ڈاکٹروں کو بہتر کلینیکل نظام کےلئے ٹیکی یا ویڈیو صلاح دیتے ہیں۔ٹیکی یا ویڈیو صلاح کا یہ سیشن فی ہفتہ دو دن منگل اور جمعہ کو ہوتا ہے۔آٹھ جولائی کو اس سیشن کی شروعات ممبئی کے نو اور گوا کے ایک اسپتال سے ہوئی تھی،جس کی قیادت ایمس کے پلمنری میڈیسن محکمے کے سربراہ ڈاکٹر آنند موہن نے کی تھی۔

ایمس کے ڈاکٹروں نے چار سیشن میں اب تک ممبئی کے دس،گوا کے تین،دہلی کے تین،گجرات کے تین ،تلنگانہ کے دو،آسام کے پانچ ،کرناٹک کے



ایک ،بہار کے ایک،آندھرپردیش کے ایک،کیرالہ کے ایک اور تمل ناڈو کے دو اسپتالوں کے ڈاکٹروں کو صلاح دی ہے۔ویڈیو کانفرنسنگ کے ذریعہ ہوئے ہر سیشن کا وقت ڈیڑھ سے دو گھنٹے تھا۔اس میں کورونا متاثرین کے نظام سے جڑے مسئلوں پر بات چیت کی گئی،جن میں ریمڈیسیور ،پلازما تھیرپی اور توسیلیجومیب دوا کے استعمال پر خصوصی بات چیت ہوئی۔

ایس کا ہدف اس ماہ کے آخر تک دہلی،گجرات،تلنگانہ،کیرالہ،آندھرپردیش،کرناٹک،بہار،مغربی بنگال،تمل ناڈو،ہریانہ ،اوڈیشہ ،راجستھان ،اترپردیش،مدھیہ پردیش،پنجاب ،جھارکھنڈ اور مہاراشٹر سمیت 17 ریاستوں کے سرکاری اسپتالوں کو ٹیلی ایڈوائس دینے کا ہے۔ہر سیشن میں ریاست کے منتخبہ سرکاری اسپتال کے آئی سی یو میں داخل مریضوں کی دیکھ بھال کرنے والے دو ڈاکٹر اور متعلقہ ریاست کے محکمہ صحت کے ڈائریکٹر جنرل شامل ہوسکتے ہیں۔

آنے والے ہفتے میں ان اسپتالوں کو ای آئی سی یو مہم سے جوڑا جائے گا،جہاں 500 یا اس سے زیادہ بیڈ ہیں۔اب تک 1000 بیڈ والے اسپتالوں کو اس سے جوڑا گیا ہے۔