عام آدمی پارٹی انتخابات کے لیے تیار: کیجریوال

نئی دہلی، 8 جنوری (یو این آئی) دہلی کے وزیر اعلیٰ اروند کیجریوال نے کہا کہ انتخابات کی تاریخوں کا اعلان کر دیا گیا ہے اور ان کی پارٹی پوری طرح سے تیار ہے۔

پانچ ریاستوں کے انتخابات کی تاریخوں کے اعلان کے بعد مسٹر کیجریوال نے ٹویٹ کیا، ’انتخابات کی تاریخوں کا اعلان کر ہوچکا ہے۔ عام آدمی پارٹی تیار ہے۔

غور طلب ہے کہ الیکشن کمیشن نے آج پانچ ریاستوں میں اسمبلی انتخابات کے



پروگرم کا اعلان کیا۔ تمام ریاستوں میں انتخابات کل سات مرحلوں میں مکمل ہوں گے۔ اتر پردیش میں سات مرحلوں میں، منی پور میں دو مرحلوں اور اتراکھنڈ، پنجاب اور گوا میں صرف ایک مرحلے میں ووٹنگ ہوگی۔ انتخابات کے دوران کووڈ کے رہنما خطوط پر سختی سے عمل درآمد کیا جائے گا۔ کووڈ کے خطرے کو مدنظر رکھتے ہوئے ریلی پر پابندی لگا دی گئی ہے۔ صرف ورچوئل ریلیوں کی اجازت ہے۔ تمام ریاستوں میں ووٹوں کی گنتی 10 مارچ کو ہوگی۔