دہلی: شردھا والکر کے قتل کے ملزم آفتاب پونا والا کو لے جانے والی پولیس وین پر حملہ

نئی دہلی،28 نومبر (ذرائع) شردھا والکر کے قتل کے ملزم آفتاب پونا والا کو لے جانے والی پولیس وین پر حملہ کیا گیا ہے۔ یہ حملہ روہنی میں ایف ایس ایل کے باہر ہوا۔ بتایا جاتا ہے کہ حملہ آوروں نے تلوار سے حملہ کرنے کی کوشش کی۔ ساتھ ہی کچھ لوگوں کے زخمی ہونے کی بھی اطلاع



ہے۔

پولیس نے بتایا کہ ملزم آفتاب محفوظ ہے۔ پولیس نے آفتاب کی جیل وین پر حملہ کرنے والے افراد کو حراست میں لے لیا ہے۔ ان کا دعویٰ ہے کہ یہ لوگ ہندو سینا سے ہیں۔ ذرائع نے بتایا کہ پولی گراف ٹیسٹ کے بعد پولس وین پونا والا کو مغربی دہلی کی روہنی میں فرانسک سائنس لیبارٹری سے واپس جیل لے جا رہی تھی۔