آدھار لازمی یا نہیں :سپریم کورٹ میں پیر کو سماعت

نئی دہلی/25اکتوبر(ایجنسی) آدھار کو مختلف خدمات کے لئے لازمی قرار دینے کے سرکاری فیصلے کے خلاف سپریم کورٹ پیر کے روز داخل تمام عرضیوں کی سماعت کرے گی۔
آدھار معاملہ پر مختلف عرضیوں اور ان کے جوابات کی سماعت کے بعد چیف جسٹس آف انڈیا دیپک مشرا ، جسٹس



اے ایم کھانولکر اور ڈی وائی چندرچوڑ پر مشتمل ایک سہ رکنی بنچ نے کہا ہے کہ اٹارنی جنرل کے کے وینو گوپال کو مرکز سے ضروری ہدایات حاصل کرنی ہوں گی اور اس طرح معاملے کی سماعت پیر کو ہوگی۔
مرکزی حکومت نے آج عدالت عظمی سے کہا کہ وہ ان لوگوں کے لئے جن کے پاس آدھار کارڈ نہیں ، اسے بنوانے کی حتمی تاریخ 31 مارچ تک بڑھاسکتی ہے ۔