فضائیہ کے اعلی کمانڈروں کی سہ روزہ کانفرنس جمعرات سے

نئی دہلی، 12 اپریل (یو این آئی) فضائیہ کے اعلی کمانڈروں کی کانفرنس جمعرات کو شروع ہوگی، جس کا افتتاح وزیر دفاع راجناتھ سنگھ کریں گے۔

فضائیہ کے اعلی کمانڈروں کی یہ کانفرنس سال میں دو بار ہوتی ہے ، جس میں فوجی آپریشنوں کی تیاریوں پر غور و خوض کیا جاتا ہے۔

اس تین روزہ کانفرنس میں کلیدی طورپر بدلتے ہوئے چیلنجوں، صلاحیت



سازی سے متعلق پالیسیوں اور حکمت عملیوں پر تبادلہ خیال کیا جائے گا۔ اس کے علاوہ فضائیہ کے اہلکاروں کی فلاح و بہبود اور انتظامیہ سے متعلق منصوبوں پر بھی تبادلہ خیال کیا جائے گا۔

یہ کانفرنس ایک ایسا فورم ہے جس پر فضائیہ کے تمام اعلی افسران ملٹری آپریشن، رکھ رکھاؤ، انتظامی امور اور دیگر اہم امور پر تفصیل سے تبادلہ خیال کرتے ہیں۔