جارجیا ریاست میں ٹرمپ پر بائیڈن نے برتری حاصل کرلی

واشنگٹن، 06 نومبر (یواین آئی) ڈیموکریٹک پارٹی کی جانب سے صدرکے عہدے کے امیدوار جو بائیڈن ووٹوں کی گنتی میں موجودہ صدر ڈونالڈ ٹرمپ سے جارجیا ریاست میں بھی برتری حاصل کرلی ہے۔

مسٹربائیڈن فی الحال 917 ووٹوں سے آگے ہیں اور اب تک 99 فیصد ووٹوں کی گنتی مکمل ہوچکی ہے۔

امریکہ میں منگل کو انتخابات مکمل ہوئے



تھے لیکن کورونا وائرس کی وجہ سے بہت سے لوگوں نے ایڈوانس ووٹنگ کی تھی جس کی وجہ سے بڑی تعداد میں ڈاک ووٹوں کی وجہ سے ان کی گنتی میں خاص طورسے مشکل پیش آرہی تھی۔

امریکہ میں صدارتی عہدے کے کامیاب امیدوار کا اعلان نہیں کیا گیا ہے اور ووٹوں کی گنتی جاری ہے۔ کئی میڈیا ذرائع کے مطابق اریزونا میں ابھی بھی گنتی جاری ہے۔