کرناٹک: شرپسندوں نے مسجد پر بھگوا جھنڈا لہرا دیا، پولیس تعینات

کرناٹک، 11 مئی (ذرائع) کرناٹک کے بیلگاوی ضلع کے ایک گاؤں میں چہارشنبہ کو کچھ شرپسندوں نے ایک مسجد پر بھگوا جھنڈا لہرا دیا، جس سے علاقے میں کشیدگی پیدا ہوگئی۔ پولیس کے مطابق شرپسندوں نے علی الصبح مسجد کے مینار پر چڑھ کر جھنڈا لہرا دیا۔ صبح واقعہ کی اطلاع ملتے ہی علاقے میں کشیدگی پھیل گئی۔

واقعہ ضلع کے مدلاگی تعلقہ کے ستگیری مسجد کا ہے- پولیس نے موقع پر پہنچ کر



صورتحال پر قابو پالیا- پولیس نے ہندو اور مسلم دنوں برادریوں کے رہنماؤں کی میٹنگ کی اور بھگوا جھنڈے کو ہٹایا-

حالانکہ پولیس نے حالات کو قابو میں کرلیا لیکن کسی بھی ناخوشگوار واقع سے بچنے کے لیے ضلع کے سبھی حساس علاقوں میں سیکیورٹی کو بڑھا دیا ہے-

اس واقعہ نے ریاست بھر میں خوف و ہراس اور تشویش پیدا کر دی ہے کیونکہ ہندو تنظیمیں ریاست میں لاؤڈ سپیکر کے معاملے پر مسلسل احتجاج کر رہی ہیں۔