کورونا کے اس مشکل دور میں بہار میں مستحکم حکومت ضروری:مودی

مظفرپور 28 اکتوبر ( یواین آئی ) وزیراعظم نریندر مودی نے قومی جمہوری اتحاد ( آرجے ڈی ) سپریمو لالو پرساد یادو کے بیٹے اور مہا گٹھ بندھن کی جانب سے وزیراعلیٰ عہدے کے امیدوار تیجسوی یادو کانام لئے بغیر انہیں جنگل راج کا یوراج قرار دیتے ہوئے کہاکہ ان کا پرانا ٹریک ریکارڈ ایسا ہے کہ سرکاری نوکری توچھوڑیئے ، ان لوگوں کے اقتدار میں آنے سے نوکری دینے والی پرائیوٹ کمپنیاں بھی ریاست سے بھاگ جائیںگی ۔

مسٹر مودی نے بدھ کو یہاں قومی جمہوری اتحاد ( این ڈی اے ) کے حق میں انتخابی اجلاس کو خطاب کرتے ہوئے کہاکہ بہار کا انتخاب اس بار غیر معمولی حالات میں ہورہاہے ۔ کورونا کی وجہ سے پوری دنیا متفکر اور مشکل میںہے ۔ وبا ءکے اس



مشکل دور میں بہار میں مستحکم حکومت ضروری ہے ۔ انہوں نے کہاکہ کورونا وبا کے وقت میں جنگل راج والے اقتدار میں آجائیں تو یہ بہار کے لوگوں پر دوہری مار ہوگی ۔

جنگل راج کے یوراج آجائیں تو وبا سے نمٹنے کیلئے جو پیسے دیئے جارہے ہیں اس کا کیا ہوگا یہ بہار کی عوام ان کے پرانے ٹریک ریکارڈ کی بنیاد پر اچھی طرح سے جانتی ہے ۔

وزیراعظم نے کہاکہ وہ جماعت جو بہار کی صنعتوں کو بند کرنے کیلئے بدنام ہے ۔ جن سے سرمایہ کار کوسوں دور بھاگتے ہیں ، وہ لوگ بہار کے لوگوں کو ترقی کے وعدے کر رہے ہیں۔ انہوں نے کہاکہ سرکاری نوکری تو چھوڑیئے ، ان لوگوںکے آنے کا مطلب ہے ، نوکری دینے والی پرائیوٹ کمپنیاں بھی بہار سے نو دو گیارہ( بھاگ ) ہو جائیںگی ۔