قسمت ریپ کی طرح، آپ اسے روک نہیں سکتے تو لطف اٹھائیں، کانگریس ایم پی کی اہلیہ کا متنازعہ بیان

ترونتاپورم،22اکتوبر(ایجنسی) کیرل میں کانگریس ایم پی ہیبی ایڈن کی بیوی انا لنڈا ایڈن نے منگل کو لکھے اپنے اس پوسٹ میں قسمت کا موازنہ ریپ سے کیا ہے۔جس وجہ سے سوشل میڈیا پر ٹرولرس کے نشانے پر آگئی- انہوں نے لکھا  - قسمت ریپ جیسی ہوتی ہے- اگر آپ اسے روک نہیں سکتے تو اسے انجوائے کیجئے- حالانکہ سوشل میڈیا پر بوال ہونے کے بعد انہوں نے کچھ دیر بعد ہی اس پوسٹ کو اپنے



فیس بک اکاؤنٹ سے ہٹا دیا - انہوں نے اس پوسٹ کے ساتھ دو چھوٹے ویڈیو کلپ بھی شیئر کئے تھے جو ان کے گھر میں بارش کا پانی گھسنے کے بعد ان کے بچے کو وہاں سے نکالنے کو لیکر تھے۔

بتادیں کہ ہیبی ایڈن ایم ایل اے کے عہدے سے استعفیٰ دیکر کانگریس کے ٹکٹ پر ایرناکلم لوک سبھا سیٹ سے پہلی مرتبہ انتخابات جیت کر رکن پارلیمنٹ بنے ہیں۔ یہ علاقہ کیرالہ میں کانگریس کا گڑھ مانا جاتا ہے۔