کرکٹر یوراج سنگھ پر بنے گی بائیوپک فلم

حیدرآباد،20 اگسٹ (ذرائع) سابق  ہندوستانی کرکٹر یوراج سنگھ پر فلم بنے  گی۔ یوراج کی بائیوپک کا اعلان کر دیا گیا ہے۔ فلمی جائزہ نگار ترن آدرش نے سوشل میڈیا پلیٹ فارم ایکس پر ایک پوسٹ شیئر کرتے ہوئے اس کی معلومات دی ہے۔

ترن آدرش نے اپنی پوسٹ میں لکھا ہے کہ بھوشن کمار-روی بھاگ چندکا، اس بائیوپک کو پروڈیوس کریں گے۔ تاہم ابھی تک یہ طے نہیں ہوا ہے کہ یوراج کی بائیوپک میں کونسا اداکار ان کا کردار ادا کرے گا۔ آپ کو بتاتے چلیں کہ یوراج ہندوستان کے عظیم کرکٹرس میں سے ایک رہے ہیں۔ یوراج کے دم ، پر ہندوستان نے سال 2011 میں دوسری بار ون ڈے ورلڈ کپ کا خطاب جیتا تھا۔

بتادیں کہ یوراج سنگھ نے اپنے کیرئیر میں 40 ٹیسٹ میچ کھیلے جس میں ان کے نام 3 سنچریاں اور 11 نصف سنچریاں شامل ہے۔ اس کے علاوہ یوراج نے 304 ون ڈے میچوں میں 8701 رنز بنائے۔ ون ڈے میں یوراج کے نام  14 سنچریاں اور 52 نصف سنچریاں بنانے کا ریکارڈ ہے۔ ٹی-20 انٹرنیشنل میں یوراج نے 58 میچ کھیلتے ہوئے مجموعی طور پر 1177 رنز بنائے تھے۔